Video
Read full review
4 day(s) ago
0 views
聽講呢間茶記係揸車/放狗人士好鍾意幫襯嘅茶餐廳，事關佢喺正公路邊，又鄰近附近高爾夫球場嘅狗公園，位置相對偏僻，真係要專登嚟先會試到佢，今次咁啱要放狗就嚟試下，下晝2點幾去到見坐滿人，見到好多狗狗，仲有人帶鸚鵡 (喺籠入面)，好多都係熟客入嚟食野，幾有人情味，而且好多懷舊茶記野食，黑牛都有得飲~我地叫咗兩個茶餐，個香煎豬扒的確出色，上到嚟係熱辣辣，咬落好鬆軟，而且煎到好香口，調味啱啱好，配出前一丁好味~仲搭咗幾條生菜，檸檬茶都俾幾多片檸檬，味道就正正常常~另一個餐個吉烈魚柳好出色，新鮮炸起，咬開好嫩滑，點沙律醬正~個奶油豬都好出色，好多煉奶，個包烘到好脆，甜得嚟好香口！見好多人都叫佢個乳鴿，睇落都好吸引，嚟開不妨試下~係可以專登再入嚟食嘅茶記~💰價錢參考：- 馳名香煎豬扒出前一丁 $50- 吉烈魚柳配煎蛋雞肉腸轉奶油豬 $55
好鍾意幫襯嘅茶餐廳，
事關佢喺正公路邊，
又鄰近附近高爾夫球場嘅狗公園，
位置相對偏僻，真係要專登嚟先會試到佢，
今次咁啱要放狗就嚟試下，
下晝2點幾去到見坐滿人，
見到好多狗狗，仲有人帶鸚鵡 (喺籠入面)，
好多都係熟客入嚟食野，幾有人情味，
而且好多懷舊茶記野食，黑牛都有得飲~
我地叫咗兩個茶餐，
個香煎豬扒的確出色，
上到嚟係熱辣辣，咬落好鬆軟，
而且煎到好香口，調味啱啱好，
配出前一丁好味~仲搭咗幾條生菜，
檸檬茶都俾幾多片檸檬，
味道就正正常常~
另一個餐個吉烈魚柳好出色，
新鮮炸起，咬開好嫩滑，點沙律醬正~
個奶油豬都好出色，好多煉奶，個包烘到好脆，
甜得嚟好香口！
見好多人都叫佢個乳鴿，
睇落都好吸引，嚟開不妨試下~
係可以專登再入嚟食嘅茶記~
💰價錢參考：
- 馳名香煎豬扒出前一丁 $50
- 吉烈魚柳配煎蛋雞肉腸轉奶油豬 $55
Post
