台灣ET鹽水雞 (符興街) (Closed)

上水最近多左好多食店進駐呀，係上水墟見到有鹽水雞～立即心心眼～因為通常見到ET鹽水雞都係要外賣～以前一定要去到外區買返黎、拎老遠先有得拎返屋企食，所以一直都無機會買黎食😆宜家近近地就食到。睇下餐牌先，見到都幾多選擇，我鍾意佢口味可以個人化，同小朋友食我可以叫淡味。第一次食就叫正常味道試下先。食材櫃見到有好多配料可以選擇呀～我叫左青瓜、百頁豆腐、白雲鳳爪配冷麵另外叫多份皮蛋，醬料足夠，香味濃！啲冷麵爽口彈牙～百頁豆腐同白雲鳳爪等等既配料同醬汁都幾夾味～雞肉入味都算滑，呢度既百頁豆腐我地都幾鐘意，呢個份量係2至3人餐另加一款配料。因為配料太多選擇啦～一次食唔到咁多款，我諗住下次會試下麻吉燒、甜不辣同芭樂既配搭先。