牛摩+ (上水廣場) (Closed)

牛摩+喺上水開咗新分店，夜晚約埋friend去食放題，我哋叫咗美國極上和牛火鍋，限時90分鐘～美國極上和牛真係MVP油脂分佈平均，真係食到好重嘅牛味，灼一灼食就啱啱好，唔會有筋，我哋食完一輪都再encore，第二輪嘅和牛同樣高質，質素好穩定😋美國黑豚肉、雞肉、蟹籽手打墨魚滑等同樣都係要落order，上菜速度都夠快👍蔬菜同丸類就係自助形式，放喺凍櫃入面，而且店員都refill得密，望落乾淨企理。蔬菜比較特別嘅係有羽衣甘藍同埋紅莧菜。丸類都有近10款，我鍾意嘅有麻吉燒同埋芝士豆腐，Q軟嘅麻糬同埋融化嘅芝士夠晒口感！湯底本身想要有得意公仔樣嗰個博多美人骨膠原啫喱雞白湯，不過數量有限食唔到，叫咗蟲草花雞白湯同埋豚骨濃湯🍲我哋平日夜晚嚟食，6點幾已經開始多人要等位，睇嚟新開張好受歡迎！