Video
Read full review
2019-08-19
284 views
由於積存太多年假嘅關係，俾公司要求清一清啲假所以長達15日嘅悠長假期就開始咗啦流流長15日假一個人都唔知去邊度旅行好...諗諗下有丁點肚餓，就落樓下醫下肚先啦樓下呢間晴苑泰國菜我之前同家人試過幾次晚餐，午餐又真係無試過喎。聽屋企人講佢嘅SET LUNCH好平，反正無概念食咩好，就食晴苑啦SET LUNCH有十幾款揀，全部都係$52，包一杯飲品，特飲就當然要加錢啦選擇都離不開係泰式炒粉麵飯同咖哩。天氣太熱唔多想食飯類，已經篩走咗一大半。所以平時有選擇困難症嘅我好快就決定咗食泰式炒金邊粉。金邊粉要整得好食唔容易，雖然我唔知正宗嘅金邊粉應該係點，但個人口味黎講鐘意炒金邊粉係炒得乾身啲。呢度嘅金邊粉就符合到我要求啦炒得夠乾身，調味又啱啱好，酸甜度配合得剛好！蝦仁爽口，有大約五隻左右。撈埋花生碎食真係一流，將個香味更升一級！食完再慢慢嘆埋杯珍多冰，真係最佳享受！正當我啜住杯珍多冰思考人生嘅時候，見到餐廳播緊泰國電視台節目，係教人煮金邊粉。突然覺得呢個係上天俾我嘅啟示，個天認為我應該要去泰國學煮金邊粉，於是我拎起手機用咗三分鐘時間就訂好去泰國嘅機票啦！
所以長達15日嘅悠長假期就開始咗啦
流流長15日假一個人都唔知去邊度旅行好...諗諗下有丁點肚餓，就落樓下醫下肚先啦
樓下呢間晴苑泰國菜我之前同家人試過幾次晚餐，午餐又真係無試過喎。
聽屋企人講佢嘅SET LUNCH好平，反正無概念食咩好，就食晴苑啦
SET LUNCH有十幾款揀，全部都係$52，包一杯飲品，特飲就當然要加錢啦
選擇都離不開係泰式炒粉麵飯同咖哩。
天氣太熱唔多想食飯類，已經篩走咗一大半。
所以平時有選擇困難症嘅我好快就決定咗食泰式炒金邊粉。
金邊粉要整得好食唔容易，雖然我唔知正宗嘅金邊粉應該係點，但個人口味黎講鐘意炒金邊粉係炒得乾身啲。
呢度嘅金邊粉就符合到我要求啦
炒得夠乾身，調味又啱啱好，酸甜度配合得剛好！
蝦仁爽口，有大約五隻左右。撈埋花生碎食真係一流，將個香味更升一級！
食完再慢慢嘆埋杯珍多冰，真係最佳享受！
正當我啜住杯珍多冰思考人生嘅時候，見到餐廳播緊泰國電視台節目，係教人煮金邊粉。
突然覺得呢個係上天俾我嘅啟示，個天認為我應該要去泰國學煮金邊粉，於是我拎起手機用咗三分鐘時間就訂好去泰國嘅機票啦！
16 views
0 likes
0 comments
Post
