大家樂 (Closed)

近日受歐國盃及 NBA Finals 影響，完全失去意欲出街搵食，今早一邊食腸粉一邊睇湖人慘敗，所以 skip 左 lunch，直接等三點三食個 tea已經好耐無食過大家樂的义燒瀨，中大學時期一直都係我開飯首選，平平地十六蚊(當年)，有埋杯可樂，不論湯底义燒都有水準，相當不錯。今時今日價錢都不太貴，加凍飲後都只是廿二蚊，尚算抵食，味道方面，义燒仍然好食，只是份量比以往少了幾塊，湯底仍然清，但卻沒有味道，以往的菜心也變了幾片賣相不佳的生菜... 只好慨嘆人物依舊，义瀨全非 值得一提是大家樂的凍奶茶... 這一早調好的奶茶，味道略重奶味而且過甜，令我回想起蔡瀾於電視節目中提及古法咕嚕肉因製作複雜又唔賣錢而失傳，其實，最基本的茶餐廳奶茶也漸漸失去了其風味了