豊之丼 (Closed)

聽朋友推介威靈頓街有間日式餐廳，有好多款魚生飯，所以今日去試下個午餐。餐廳內有個開放式廚房，可見到師傅密密炮製每個魚生飯比客戶。看見餐牌，有好多款魚生飯，我特選了至愛嘅特盛三文魚丼$108。先上沙律，有車厘茄，生菜同少許酸沙律汁。到上主菜特盛三文魚丼$108，冇諗過都有三種模式，有厚切三文魚，角切同炙燒三文魚，還有一塊脆魚皮。多種食法，而且一大碗滿滿的，啖啖肉，三文魚脂肪油香十足，魚皮焊過，香脆，滿足我呢個三文魚痴。食埋個厚燒招牌玉子，真係堅飽。