譚仔三哥米線 (晨光大廈)

Open Now

Now Closed

特辣酸辣撈薯粉，採用獨創全新嘅三哥酸辣汁，一碗麵已經可以食到香、麻、辛、辣，全新奧爾配搭，會令你一試難忘；三哥酸辣汁嘅特辣程度令我對佢有新印象，平時我食煳辣、三哥酸辣、麻辣湯底點單特辣程度，嗰種味道係好刺激，會令你又愛又恨，但今次依款三哥酸辣汁嘅酸、辣味道調較得好適中，即使叫左特辣都仲會食到酸味，味道上比較溫和，適合夏天涼爽嘅需要；配料份量十足，包括有豬耳、薄脆、雲耳、榨菜、青瓜絲、芝麻、蔥花、莞茜，記得全碗麵嘅食材要撈拌均勻先最好味，整體口感食落好豐富；薯粉口感爽口、Q彈，特辣醬汁比較濃稠，薯粉滑溜程度降低，但影響不大。蜜桃乳酸，蜜桃味道香甜，配上乳酸，味道上互相中和，飲落好清爽。鹹檸梳打配原粒脆梅，鹹檸梳打味道清新，仲有鮮檸檬片，味道飲落雙重檸檬味道；脆梅口感爽脆，味道甜酸。花膠雞美線，花膠份量大，口感爽滑、有咬口，味道幾入味；雞件嫩滑，雞湯味道濃郁。尖椒皮蛋，皮蛋食落滑口，配以尖椒、蒜粒食用，味道好惹味、香口。家鄉酸菜，口感爽脆，味道酸甜、開胃。三哥真係好體貼入微，為左食客唔會整污糟衣物，仲有提供圍身，數量有限。