可能因為位處尖東，主要做寫字樓客戶，而宜家又少了遊客，我們11點到達時未有其他客人，到12點後才陸續有客人入座。侍應開茶及奉上嘅前菜是琥珀核桃，核桃脆口又唔太甜，大家都喜愛，掛住食，唔記得影相。
我們點了7個點心，包括煎蘿蔔糕、叉燒腸粉、咸水角、雞包仔、鮮蝦菜苗餃、上湯鮮竹卷、山竹牛肉球，另外點了小吃“鮑汁鳳爪”，再加一個豉蒜龍躉片籠仔蒸飯。雖然唔會係貴價飯店那些講究精緻或創新嘅造型，但各款食物水準不錯，新鮮熱辣，用料品質幾好，好味道，不似那些連鎖酒樓用中央廚房流水式做出來嘅工廠點心。當大家食得飽飽時，侍應還送了紅豆沙糖水，就連送嘅糖水都沒有欺場，我們四人雖然已食飽，都把整碗糖水渴光。
埋單共$660，每人百幾，價錢合理。
#香港 #香港美食 #點心 #飲茶 #尖沙咀美食 #馥苑
#hongkong #HK #Foodie #dimsum #tsimshatsuifood #FookYuen
1
1
