肥公車仔麵 (Closed)

今日中午都仲係涼風浸浸，係旺角做野唔想周圍去搵食，但砵蘭街街頭又真係無咩特別掛念想食，點算好呢？我常常係旺角時一諗唔到食咩就會去食“肥公車仔麵”，勝在質素穩定，價錢唔貴，兼且美味。我今日叫左：春卷，魚皮餃，魚蛋，油麵，加“咖哩汁”，價錢盛惠 $21，係，你無聽錯，真係廿一蚊埋單，今時今日仲有呢 d 佛心價錢，難怪一開門就排晒隊，而且人龍不絕。真係符合晒抵食，好食，穩陣，呢三個元素。不過，下次我一定要記得“加底”，因為個麵唔係好夠食。