怡紅院火鍋料理

Open Now

Now Closed

天氣開始轉凍，啱晒打邊爐。搵到呢間好特別嘅火鍋料理，叫『怡紅院』，個名好搞笑，決定試下。門口已經好特別，有古色古香嘅大門同埋喜慶的燈籠。鋪頭入面嘅佈置好靚，好似拍古裝咁，紅色主調，好啱打卡。Menu寫住賣身契好搞笑。有好多種火鍋湯底選擇，鴛鴦湯底，只收貴果個湯底嘅價，唔洗加錢，性價比高。我地就叫左個沙嗲和胡椒豬肚湯底。黑毛豬肉片，片片都好靚。 牛頸肩，好有牛味。兩款肉都好嫩滑。怡紅丸，好特別，有d辣嘅麻子係入面，好味！牛丸，好彈牙多汁。珊瑚蚌，好鮮味爽口。 牛柏葉都超爽口。呢2樣野裝嘅碟，都有一大堆冰凍住，保持新鮮。炸香嘅午餐肉，非常厚肉又大舊。芝士腸超大碟，幾抵食呀。野飲都好多選擇，茶或者酒都有，叫左fruit punch，賣相不錯！🥰呢間鋪頭好啱打卡，味道都好好，會推介比未黎過的朋友，正。