倫哥尚品火鍋私房菜 (Closed)

OT完都差不多10點，最岩就係去宵夜打邊爐，幾個人飲住啤酒圍爐吹水，紓解一下工作壓力。一坐低已經有碗熱辣辣燉雞湯補一補，味道都幾好飲，幾有家的感覺，岩晒成日加班既我，此外，前菜仲有避風塘鮑魚小食及刺身拼盤，幾豐富喎！飲完熱湯暖胃後，就開始食雞煲，雞件份量都幾多，而且辣辣地好惹味，飽到差啲食唔到之後的邊爐！之後叫咗個蕃茄湯底打邊爐，估唔到除左餐前燉湯有質素外，就連打邊爐的蕃茄湯底都幾好飲喎！特別推介的是粉絲，粉絲爽口之餘更吸收了湯底的精華，味道真是無得彈！最後仲有2款糖水可揀， 今餐真係抵食又滿足！