今日又係約左我個好姊妹D食飯嘅日子，佢話好耐好耐冇食雞煲，所以我地決定今日食滾德起！
我地叫左例牌重慶原味雞雞煲（$188），d雞冇雪味好嫩滑，而且辣汁做得夠濃夠杰身，半隻都好夠我地兩個女仔食lu~
手打墨魚滑（$78），D超愛呢個，因為佢覺得又爽又彈牙XD黑椒牛丸（$60）好有牛味配埋濃濃嘅黑椒味，正呀~芝士腸（$48）比平時食到嘅芝士腸更勝一籌，呢隻就算淥好耐都唔會爆開，但咬落去d芝士汁會慢慢滲出黎~~雜菜（$48）夠新鮮，一份有菜又有菇啱曬我呢個蔬菜怪！
見隔離枱食得津津有味，下次想試佢個酸辣烤魚！
