大飯糖甜品小食屋

Open Now

Now Closed

今日家姐喺大圍放工，佢話想搵我食糖水傾下計，於是我地去左大飯糖甜品小食屋。家姐叫嘅係榴槤山（$60）佢話榴槤味濃郁，勁正！而我仲未食晚餐，所以叫左陳醋酸辣伴日本讚岐烏冬配冬菇鮮肉水餃（$51）個酸辣度適中，水餃好足料咬落好juicy！餐飲我就叫左黑糖珍珠鮮奶（期間限定，免費升級餐飲）唔會太甜，珍珠亦夠煙韌，家姐都偷飲左幾啖XD咖哩魷魚（$30）係我家姐最愛嘅小食，佢自己一個食曬成碟XD而我就比較鍾意蜜脆雞翼（$28），咬落去d蜜汁會滲曬出黎，好惹味！呢到地方比其他同區嘅甜品鋪大，就算有一大班人一齊食亦唔洗擔心冇位，更加唔怕同人迫埋一齊坐。坐得幾舒服，下次會再黎！