真妮 (Closed)

放假小朋友話想食漢堡包，唔想食連鎖店我地就去左新都城商場揾下有無，小朋友比色彩繽紛嘅顏色吸引過去，原來係我地想食嘅漢堡店。三重芝士牛肉漢堡芝士迷不能錯過，芝士味濃郁，有一大片燒到焦焦嘅芝士，香脆可口，牛肉肉質嫩滑帶有少少辣味，口感豐富。牛油粟米粟米香甜，加左牛油更加美味。明太子雞翼雞翼拆左骨，入面釀滿明太子，啖啖肉。青檸熱情果梳打酸酸甜甜幾開胃。星河顏包好靚，係柚子再加蝶豆花，底部仲有子多柚子肉。A6薄荷醬羊肉漢堡羊肉嫩滑多汁，唔會好大陣騷味，另外薯條熱辣辣炸到香脆可口。