Video
Read full review
2021-07-09
148 views
今日晚餐去咗位於長沙灣嘅白布烏冬坐低叫左個南蠻咖哩烏冬試吓，等左冇耐食物終於到齊啦。我夾起舊雞肉，簡直唔敢相信自己嘅眼睛…生嘅！？！？ 即刻睇多次個餐牌，心諗乜我叫左雞肉刺身烏冬咩！？我見到咁嘅情況就同個侍應反映啦，話舊雞生咖喎，侍應姐姐就立刻通知廚房。咁岩我地張枱就比較近廚房，居然比我地聽到入面果位廚師話 ‘冇可能生咖喎，你同返佢講‘。我心諗點解冇可能？你未煮熟舊雞咪生囉？果位廚師完全冇諗住出嚟了解，一眼都冇望過舊雞就斬釘截鐵矢口否認。最搞笑係位侍應姐姐原碗拎返過嚟同我講話因為佢哋嘅雞肉係’低溫處理‘。WHAT!?!? 乜原來低溫處理就大條道理比生野人食？？？雪櫃都夠低溫啦，不如你雪完直接拎出嚟比客食再同佢講低溫處理過丫？我要食生野不如去隔離壽司郎食啦，唔使食你啦下嘛？其實一間餐廳忙碌中出錯係十分正常嘅事。錯唔緊要，但錯左就要認，避免下次再犯錯先係正確嘅做生意態度。你呢種有錯唔認嘅態度遲早累事🙂總之呢間野冇下次，以後都唔會再黎。大家去之前都停一停，諗一諗
坐低叫左個南蠻咖哩烏冬試吓，等左冇耐食物終於到齊啦。
我夾起舊雞肉，簡直唔敢相信自己嘅眼睛…
生嘅！？！？ 即刻睇多次個餐牌，心諗乜我叫左雞肉刺身烏冬咩！？
我見到咁嘅情況就同個侍應反映啦，話舊雞生咖喎，侍應姐姐就立刻通知廚房。咁岩我地張枱就比較近廚房，居然比我地聽到入面果位廚師話 ‘冇可能生咖喎，你同返佢講‘。我心諗點解冇可能？你未煮熟舊雞咪生囉？
果位廚師完全冇諗住出嚟了解，一眼都冇望過舊雞就斬釘截鐵矢口否認。最搞笑係位侍應姐姐原碗拎返過嚟同我講話因為佢哋嘅雞肉係’低溫處理‘。WHAT!?!? 乜原來低溫處理就大條道理比生野人食？？？雪櫃都夠低溫啦，不如你雪完直接拎出嚟比客食再同佢講低溫處理過丫？我要食生野不如去隔離壽司郎食啦，唔使食你啦下嘛？
其實一間餐廳忙碌中出錯係十分正常嘅事。錯唔緊要，但錯左就要認，避免下次再犯錯先係正確嘅做生意態度。你呢種有錯唔認嘅態度遲早累事🙂
總之呢間野冇下次，以後都唔會再黎。大家去之前都停一停，諗一諗
Post
