就嚟到新年，為左搜羅下邊度有好食嘅蘿蔔糕送禮，我嚟左呢度試。
揀佢嘅原因係因為比佢嘅包裝吸引左。包裝衛生，有一個保冷袋袋住真空包裝左嘅蘿蔔糕同冰塊。
餐廳非常揼本，仲用一個好靚嘅陶瓷碗裝住啲蘿蔔糕。用嚟送禮非常得體。 自己食完嘅話都可以留返隻碗，擺喺焗爐焗下野！
講返主角先，蘿蔔糕好大份，絕對夠四個人食，切開到20條。蘿蔔糕咸咸香香，有少少蝦米同煙肉碎（好似係）吊味。 好似平時喺茶樓食到嘅蘿蔔糕甘。
我覺得餐廳嘅其他食物都好正，好適合唔想煮飯嘅時候外賣返屋企食。
尤其係個2人餐，90蚊有瀨粉 或者豬油撈飯2碗＋老祖美食2款＋ 紅豆沙or綠豆沙＋ 2杯飲品, 非常抵食!
