老夫子餐館 (Closed)

老朋友仔約出黎食生日飯，想找就腳又特別既餐廳，見到之前有facebook 朋友仔食過，咁就決定一齊去呢間試下。原來預早三日打電話黎預約晚餐時段，點知full booking until oct, 只可walk-in, 咁我地唯有早D去攞位。地址好易找，響地鐵站出口轉左，你會見到大番薯個背面，行上樓睇就見到間餐廳。六點半開始等位（三位），等到八點鐘先有得入座。等候期間餐廳有提供免費幸運曲奇、飲水機及小量等候座位，仲有老夫子人物figure 可拍照留念，個人認為都算係一個幾窩心的安排。入到去，裝修以老夫子為主題，連餐牌都係老夫子。菜單名稱以漫畫故事名稱為提（無獨有偶、千奇百趣……）不過我地order時都係叫番個食物名（有D唔夠入戲😅)真心覺得食物質素唔差，係無乜驚喜，以一間主題餐廳來說，價錢算是中上。未去過上去影相到此一遊係0k，但應該唔會有下次。