回到味來 (Closed)

一間我絕對會翻兜既雞煲！好耐無食過雞煲，一搵之下竟然就搵到間好嘢！呢個雞兜叫小惡魔已經好夠辣，個種辣係到喉又到肺，全因一睇就見到成煲都係辣椒花椒洋蔥乾蔥，不是平日個種只有淺薄辣椒醬嘅味道，一打開蓋就好香好香。食完雞煲就打邊爐，呢個雞煲最令我surprise嘅地方係即使加水後依然好夠味，配料亦都唔馬虎，必食豬肉丸夠彈牙，響鈴也是即炸的，就算係送嘅蜆都大大粒，好肥美！整體來說呢間餐廳絕對out of my expectation！侍應哥哥仲要好細心會用手遮住，怕d水彈到我地，值得一讚！