朋友叫左個印度咖喱牛腩飯 而我就叫左個芝士肉醬千層麵
佢個飯好快就到左 我個千層麵應該就因為即叫即整 所以就要等耐少少
個咖喱都幾有驚喜， 一般除左正宗咖喱店好少會跟埋塊印度薄餅
雖然塊薄餅其實都無咩特別 但係都幾得意
咖喱十分惹味 但係d牛腩就略嫌多根左少少
不過份量十足 一個女仔真係未必食得曬成個飯。
而我個芝士肉醬千層麵就賣相100分
係普通茶餐廳入面食到呢個水準既千層麵真係好意外
份量望落有d細 但係可能因為d芝士既關係 所以其實都好飽好滿足
另外飲品方面我地每人都叫左一杯紫華田（唔記得影相sosad）
幾特別幾好飲 有少少紫薯粒粒係入面 幾過癮～
下次會再試過！
