Hue Dining (Closed)

我係因為Rosewood staycation package 包呢間嘅餐廳食晚餐。客套說話就唔講啦直接跳去食評，因為未食過未睇過食評所以直接帶咗一個要加$120嘅牛扒，我覺得大家樂嘅牛扒仲好食過佢，一來好韌，二來可能係炭燒，個表面好苦。再講講返一開頭個麵包，頭先睇返有師兄講個牛油鹹鹹地，酸酸地、咁你真係好奇怪，可能我唔識食澳洲菜啦。第二個頭盤就係焗黃瓜，個感覺就係好奇怪，可能我食得橄欖陣味，加上芝士味道真係覺得好神奇嘅感覺。最後想買兩個甜品，算啦都係唔多講。諗諗吓都係講一講，朱古力個甜品佢加咗百香果啲汁落去，搞到朱古力嘅味道同埋酸酸地嘅味道又係奇怪嘅。另外個甜品，唔知點解食到啲咖喱嘅味道，又係奇怪嘅。講吓服務啦，其實個服務都唔差，每一道菜都講吓究竟啲食物係啲乜嘢。不過今日你其中一個唔好嘅地方就係要等，係每一道菜起碼相隔15至20分鐘先來。我我6:30到達，而家8:08先開始食甜品。希望我嘅評價可以幫到大家選擇餐廳。