講翻食物質素，性價比高，有水準，我哋選咗個沙律 豐富新鮮材料 有巴馬火腿 哈密瓜Mozzarella 芝士配新鮮沙律菜 加上黑醋油子汁 開胃 份量夠兩位 滿意。
頭盤小食 Pulled pork onion rings
用慢煮手撕豬肉甜甜地帶點肉汁，配埋炸洋蔥圈加埋大量芝士醬，沙律醬同蕃茄SASA，效果似墨西哥Taco's 好鐘意平凡洋蔥圈變得不平凡，有層次。
主食揀咗新品 煎封門柳白菌燒汁寬條麵
賣相可靠 味道也好 牛肉三成剛剛好唔會韌，煎到表面香脆內粉嫩，個汁好好味但係個寬條麵唔夠軟身未能吸收到。😋😋😋
見到隔離枱叫咗 白酒煮青口 好吸引 驚食唔晒放棄，點知有半份叫㗎，就係咁更係叫啦。其實重點係個白酒汁好香好creamy，多士脆卜卜醮點汁冇得輸。青口細細仔，脹卜卜。
最後飽到連甜品都冇叫 但好精彩好多選擇，經過都見到空氣厚班戟呼喚我， 下次一定要留肚食同冇咁趕，影低比自己參考及分享比大家
