鮨真 (Closed)

食壽司梗係要食埋環境，知道喺亞士厘道有好多好野食，同埋樓上鋪有好多臥虎藏龍，呢度亦開咗一間食廚師發板嘅日本料理舖頭叫鮨真，上次喺呢度食過晚餐都唔錯，今次試吓佢哋呢度嘅午餐。出面既景好靚 好多酒前菜方面，我同朋友每人食咗一個燉蛋，佢嘅表面有少少啫喱狀，裏面嘅蛋仲好滑添，而且熱辣辣，暖透心。而且仲配上個雜菜沙律，有椰菜有蕃茄仔，酸酸甜甜真係幾正㗎。主菜係令人精神為之一振嘅安格斯肥牛，配上白飯，安格斯肥牛嘅份量好多而且每塊我煎到啱啱好，唔會過熟，再加上酸甜嘅醬汁，食落去油香四溢，而且啲肉仲好甜！真係唔識點形容，好耐冇食過咁好食嘅牛肉啦。另外當然要試吓呢度嘅壽司啦，師傅為我地炮製咗多款嘅壽司，有10幾款咁多！最深刻嘅當然係海膽壽司，啲海膽好鮮甜，而且顏色呈現啡橙色，令人食指大動，另外仲有吞拿魚同埋魷魚等，佢哋都切得好薄身，內含一點點的芥茉漿，沾上壽司醬油，令人回味無窮，伴碟上面仲有一啲姜，適合胃寒的我暖一暖胃。仲有個豆腐味噌湯，沖淡了口中強烈的味道，湯配上一點點蔥花和豆腐粒粒，好喝非常。最後每人仲叫咗一款甜品，分別係柚子雪芭同埋豆腐雪糕，兩者都各有特色，柚子味好香甜而豆腐就比較清身，淡淡的豆腐