Video
Read full review
2014-01-16
841 views
同老婆大前晚到荃灣店食晚飯， 入到去見到有位坐低， 點知比個侍應大大聲隔住半間鋪指揮我哋坐第二張枱， 好啦就坐咗過去， 茶都未開侍應攞住個蒸飯過來問啱唔啱食， 好明顯係有人等得太耐走咗所以週圍問有無人要！我哋落單叫咗七樣嘢， 有北菇雞蒸飯、蝦餃、山竹生肉、鶉鵪蛋燒賣、潮洲粉粿、鮮蝦腐皮卷同魚肚滑雞扎。個蒸飯唔駛三分鐘就來， 點知啲飯應該係蒸咗好耐無人要， 見我呢儍佬叫就第一時間攞出嚟， 成個飯蒸到個邊啲飯乾哂， 中間心啲飯爛哂好似糊仔咁， 我哋食咗一半無就唔想再食， 之後蝦餃、鶉鵪蛋燒賣、潮洲粉粿都來咗， 應該係落單先蒸都幾好味！到個鮮蝦腐皮卷上枱， 點知個侍應阿姐一放低就即刻攞起同我講要比第二枱食先等陣出過碟比你！ 點知就一去無回頭， 一路食住等， 等咗差唔多大半個鐘有多山竹生肉、鮮蝦腐皮卷、魚肚滑雞扎三樣都未嚟起身比錢走人！出到收銀處又係嗰個侍應阿姐收錢， 同佢講話有三樣嘢未到， 點知佢仲要話返我轉頭蒸點心要時間， 係要等耐啲！係要迫我發火， 我同佢講我哋前後等咗差唔多九個字， 放低碟嘢係張枱就驚我無錢比咁即刻攞咗去第二枱， 我問佢係咪日日來啲熟客先有得食！因為佢哋啲侍應唔係第一次
我哋落單叫咗七樣嘢， 有北菇雞蒸飯、蝦餃、山竹生肉、鶉鵪蛋燒賣、潮洲粉粿、鮮蝦腐皮卷同魚肚滑雞扎。
個蒸飯唔駛三分鐘就來， 點知啲飯應該係蒸咗好耐無人要， 見我呢儍佬叫就第一時間攞出嚟， 成個飯蒸到個邊啲飯乾哂， 中間心啲飯爛哂好似糊仔咁， 我哋食咗一半無就唔想再食， 之後蝦餃、鶉鵪蛋燒賣、潮洲粉粿都來咗， 應該係落單先蒸都幾好味！
到個鮮蝦腐皮卷上枱， 點知個侍應阿姐一放低就即刻攞起同我講要比第二枱食先等陣出過碟比你！ 點知就一去無回頭， 一路食住等， 等咗差唔多大半個鐘有多山竹生肉、鮮蝦腐皮卷、魚肚滑雞扎三樣都未嚟起身比錢走人！
出到收銀處又係嗰個侍應阿姐收錢， 同佢講話有三樣嘢未到， 點知佢仲要話返我轉頭蒸點心要時間， 係要等耐啲！
係要迫我發火， 我同佢講我哋前後等咗差唔多九個字， 放低碟嘢係張枱就驚我無錢比咁即刻攞咗去第二枱， 我問佢係咪日日來啲熟客先有得食！
因為佢哋啲侍應唔係第一次咁做， 熟客就一定快手有位坐， 將其他人落單啲嘢食比咗熟客先， 其他人就等極都無得食！
一間食物出品質數唔錯的餐廳服務再咁落去的話， 下場大家應該心中有數， 當然不能用酒樓來比較， 但係都唔好差得咁離譜！
Post