西貢海灣會燒烤大王

落雨天即興去BBQ，今日同老公囡囡去西貢海灣燒烤大王BBQ，星期六，日只需$218 ，小童半價，無限時任燒，飲品任飲。環境超級正，可以望住個海一路吹海風一路燒野食，而且我地仲見到彩虹，個景真係超級靚，難得一遇。我地安排坐玻璃屋入面燒，諗住應該會好焗同熱，竟然唔會，玻璃屋既窗可以開，除左玻璃屋，出面燒野食既地方都有簷蓬遮住，落雨都唔怕啦，而且地方超級大，好闊落。還有小小室外遊樂場比小朋友玩食物方面，選擇都好多，有芝士腸，腸仔，魚蛋、 漢堡扒、墨魚丸、煙肉、獅子狗、雞腎、紅腸、雞翼、雞扒、牛扒、豬頸肉、蔬菜類等等，食物質素好好，醃左味既食物，全部都好入味，同埋唔會成陣雪藏味。以前去親BBQ都覺得廁所好骯髒，但以到既廁所係好乾淨，而且員工都好nice ，整體環境，食物性價比都好高。