芝加哥串燒 (美豐花園) (Closed)

今日入左大埔探朋友，佢話帶我去飲杯野食少少野。黎到呢間餐廳細細間人少少，ｏ岩晒我地黎傾心事。唔好睇入面的的骰骰，原來呢度主要食串燒，仲要好多選擇，我地都揀左好耐先諗到食乜。培根年糕卷，我係年糕控, 加埋bacon 無咁單調。鹽燒雞翼，唔會過鹹。燒雞軟骨，羊肉串，芝士牛肉串，以上3樣都好夠味。韮菜燒，唔知幾時開始, 就覺得食串燒一定要食韮菜, 果然無失望, 燒到剛剛好。一口雪花牛肉串&燒汁牛仔骨，呢個係我同友人都覺得好好味既其中一道, 燒得剛剛好, 配埋燒汁一流。香草芝士焗雜菌，好好味, d茹好入味同埋我地放左好耐先食, 都仍然好熱。我哋叫咗啲酒精飲品，啤啤佢。