涮一煱 (Closed)

遲來的食評，亦係第一編食評用餐日期: 14/12/2015因為同朋友慶祝生日，所以上網搵下邊間海鮮塔好食，見涮一鍋評語幾正面，所以就試下店舖環境: 遠離嘈雜，聯誼傾計好地方服務質素:上至老闆下至店員，招呼週道。老闆好好咁介紹左個海鮮塔有咩野食，夠鐘開蓋果陣老闆娘好細心咁幫我地處理海鮮汁。員工清潔樓下速度及效率高，即使打邊爐張枱依然冇食物殘渣，快速處理。所有全程用餐舒適。食物:海鮮-新鮮，鮮味。牛肉-價錢偏高,但食左一塊之後覺得值回票價，好有入口即熔同香軟既感覺菇-新鮮爽口響鈴卷-一定要試即叫即炒，完全冇油抑味酒水我地一行4人，見到牆身有美國入口水果酒，就點左黎試下，結果試完就愛上了。水果酒有石柳，菠蘿，芒果同橙味。個人最愛係石柳，果味好清新而又唔太甜。老闆娘知我地慶祝生日，仲送左支俾我地。店舖夜晚2點山門。十一點左右只有我果枱客。但都冇趕客走仲叫我地唔洗急慢慢坐。小店而有一流既服務態度，一定會有下次