二家姐正宗原味麻辣火鍋

Open Now

Now Closed

佐敦文英街出曬名多好野食，今次去挑戰辣到噴火既正宗麻辣火鍋。一坐低，侍應即刻放低一大盤配料。火鍋湯底揀左麻辣+藥膳鴛鴦鍋，成盤都係辣椒，啲蒸氣有啲澀眼。侍應推介新鮮聖子王，真係好大條，水滾烚10秒，新鮮又爽口，正！手切肥牛既肉脂比例剛剛好，5成熟趁仲有啲粉嫩嘅顏色，非常有咬口，牛味香濃。汕頭牛丸非常出色，咬落肉汁+牛油流曬出黎，一食就知唔係普通牛丸。另外叫咗冰豆腐，魚肚，吸收曬d 湯底，辣得好過癮！呢個鋪仔細細座位唔多，但係原來有幾間分店亦都有得包房，約埋三五知己一齊嚟打邊爐真係好過癮！