AOAO

Open Now

Now Closed

最近終於去咗中環嘅AOAO日本餐廳，真心覺得超值！呢度嘅食物真係冇得輸，無論前菜、主菜定甜品都係咁正。😍一開始上嘅前菜已經好吸引。醬汁煮牛蒡，味道濃郁，牛蒡嘅口感非常特別，真係好少食到咁嘅嘢。蒜頭簡單但好香，食落好滿足。萵筍絲沙律配蘿蔔蓉、木魚同鮭魚子，清新爽口，鮭魚子嘅鮮味同木魚嘅香味真係絕配。赤貝蘆筍卷更係一大亮點，赤貝醃得非常入味，配埋脆脆嘅蘆筍，口感豐富，好正！👍🏻👍🏻👍🏻主菜方面，和牛三文治真係不得了！和牛五成熟，肉質嫩滑，麵包脆脆，食落口感一流。😍焦糖南瓜，味道甜美，南瓜煮得剛剛好，焦糖味道香濃，食完好滿足。😋最特別嘅係炭燒鰻魚，上菜後會有員工將燒熱嘅炭放喺魚皮上，第一次見到咁嘅上菜方法，魚皮燒得有炭香，真係好香口，味道一流。❤️我地叫佐兩杯Cocktail, Sangria味道清爽，酒味唔太濃，配餐真係啱啱好。Hutton Jadeite呢杯飲品真係好特別，威士忌加上桃綠茶、荔枝同抹茶，味道層次分明，非常好飲。🥂最後緊係唔少得甜品，紅豆大福甜而不膩，非常好食。芝士蛋糕芝士味濃郁，口感綿密，食完真係好滿足。