黎到後果然係唔多人，職員安排坐梳化位，環境都幾清靜，適合女生傾訴內心世界既好地方
叫左一個和牛漢堡、芝士魚柳焗長通粉以及一杯士多啤梨綿花糖朱古力。
食物等一陣就到了，個意粉熱辣辣，啱哂涼涼地既天氣食，大食既我地都認為大碟啲就更好
芝士加魚柳都係基本穩定既配搭，若果芝士再濃啲就正啦！長通粉亦唔會話焗到腍哂，整體都好食。
而和牛漢堡就賣相同餐牌差唔多咁靚，食慾即時大增
友人話好味，和牛唔老、成個飽都夠熱，值得一試既。
最後就係杯冬天限定特飲——士多啤梨綿花糖朱古力，個人覺得似係一般朱古力沖劑黎既
所謂既士多啤梨就係面頭既醬汁，冇咩特別的一杯飯後飲品～試一次就夠了。
整體而言，食物質素都不錯，環境清靜，可以放鬆心情享受晚餐既好地方
