咁啱見到豆乳狂人呢個泰奶系列🧋
就睇下我可唔可以瞬間被帶到泰國🇹🇭
🍡狂人炸芋圓 ($45)
好少會喺豆乳狂人食鹹食 今次就試試佢!!🤪
三色芋圓比起平常食開嘅芋圓細粒啲啲 🤏🏼
炸粉嘅厚度恰到好處 唔會話好厚
芋圓口感煙煙韌韌 配合三個醬一齊食 各有特色
🤍奶蓋醬 濃郁嘅鹹香味 忍唔要食多幾啖
🤍煉奶 甜到個人好sweet 感覺好似食緊炸饅頭咁
🤎黃豆粉 口感特別 比較低脂
份量超級多
適合兩三個朋友開心share
🧋泰奶仙草麻糬 ($56)
材料非常豐富👀
上層有人氣爆燈嘅Lotus餅同餅碎 加上海量奶蓋
下層有西米仙草同麻糬
撈埋一齊食有不一樣的口感👅
餅乾脆、奶蓋滑、仙草爽、麻糬黏
泰奶混和喺當中 唔會太甜 反而能夠平衡唔同食材
🥭多芒小丸子 ($48)
食過好多次 每次都唔會令我失望😎
芒果粒粒都又大又甜 小丸子煙靭好咬 西米好Q彈✨
撈埋濃郁嘅芒果汁 集多重口感於一身
