炑八韓烤親子餐廳 (愉景新城)

Open Now

Now Closed

炑八韓烤真係親子餐廳首選！入面有超正嘅遊戲室，設施包波波池、滑梯同埋模擬超市玩具，細路仔玩到唔肯走，大人食飯都放心。環境色彩繽紛，韓屋風格，感覺好有氣氛，仲可以免費著韓服影相打卡，超正！食物方面，造型同味道一樣咁出色！首先推介佢哋嘅企鵝小跑車兒童餐，企鵝造型嘅飯團超得意，麻油味底配紫菜，好啱小朋友口味，配菜有粟米、熟火腿、西蘭花同薯條，健康又開胃，加埋瑞士汁肋骨條軟腍入味，小朋友食得開心又飽肚。大人就叫左新出嘅海洋妙妙餐，真係超豐富！原隻大雞髀皮脆肉嫩 juicy到爆，辣八爪魚煙韌有咬口，仲有嚴選外群肉、極上牛肋條配蔥蒜、牛舌同秘製醬油五花肉，每款都醬香濃郁，肉質鮮嫩，燒烤技巧一流。芋頭煎餅外脆內軟，帶點咸甜味，好有層次，味道好正又夠晒滿足。最後甜品推介蜜瓜沁涼刨冰，蜂蜜甘甜蜜瓜配清涼刨冰，入口即溶，消暑又解膩，燒完肉後好啱用嚟醒胃，份量十足，可以兩三人share都冇問題。