一直對佢念念不忘！
祖籍北京既老公話，喺北京都好難搵到好食既煎餅，
估唔到今日誤打誤撞，竟然喺灣仔食到間連佢都滿意既煎餅！
開放式廚房，睇住師傅由落漿，打蛋，上甜面醬，落芫荽、青瓜絲、甘荀絲、薄脆、生菜，再捲起入袋，望到都已經流哂口水啊！
仲睇到d薄脆係新鮮炸起添啊！
孜然羊肉煎餅
外軟內脆，成個煎餅充滿住孜然既香味，羊肉亦比得好足料！
老公話佢細個喺北京食既煎餅無生菜，係依家先有，呢到個煎餅夠唔夠傳統就真係無從稽考，但係多左青瓜生菜，食落會無咁膩仲好啦
成個煎餅我都好滿意，唯一可惜係甜面醬溝得甜左d，如果片皮鴨可能比較夾！
師傅見我地食完，會問下覺得味道點樣，仲出黎送客！
估唔到一間細細既鋪仔，除左收埋令人懷念既煎餅，仲收埋左一位好友善既師傅！
