尚鮮日式燒肉漁市場 (Changed Hand) New Restaurant

自從疫情之後都冇得去日本，我好掛住日本嘅燒肉，唯有喺香港搵間高質嘅燒肉一解我對燒肉嘅掛念，搵到呢間好似唔錯。店內嘅裝修好日式，一入門口就係open kitchen，有師傅喺度切魚生。位同位之間都好闊落，仲有好多特色嘅佈置。同朋友二人揀咗和牛放題$368一位，掃QR code手機落單十分方便！一開始店員就呈上海鮮拼盤，係贈送嘅，有大大隻嘅鮑魚，其他海鮮都好新鮮！之後就到燒肉，店員首先呈上一盤和牛，有晒唔同嘅部位，食完再自己encore！和牛色澤好靚，油脂分布好平均，食落非常Juicy軟嫩，勁正，值得一讚係部位選擇多，好滿足。熟食方面，有壽司、炸物、日式小食等等。當中一定唔少得壽司手卷同埋刺身，選擇唔算好多，但係都好食，每一款都唔錯！雞軟骨做得好出色，食左4轉！以為冇雪糕櫃就冇甜品食，原來每人都會送一盒MovenPick嘅雪糕，捧住個肚走。