串燒燒烤專門店 (Closed)

今日行過山林道搵食，見有間串燒就入去試下，坐露天位，環境好似唔錯，點知原來依家先係序幕。叫左:燒茄子：味道其實係ＯＫ的，但啲油就多到阿媽都唔認得，失敗！燒牛舌：質感其實算係彈牙，但都唔好話原來牛舌既味，直頭連乜味都無，失敗！燒雞翼：全晚最似樣既一樣，因為落左大量日式醬油，除左甜，都係甜，不如就咁食醬油算數，失敗！燒ＢＢ露荀：如果佢呢啲係ＢＢ露荀，露筍老頭一定係巨人，條條都筷子咁長，識食露筍既人都知老既部份一定係切走，佢仲上埋碟，又多渣燒得又燶，一口苦味，食左幾條都放底唔食，失敗！原隻魷魚釀黃金炒飯：諗住叫樣殿粉質頂下肚，又話黃金炒飯，黎到入邊唔知係糯米飯定係啲炒飯比佢炒到爛晒，總之一ＰＡＴ野，把鬼！失敗！原隻燒春雞：呢味真係驚為天人，外皮林滋滋，都唔知佢係蒸雞定燒雞，總之一啲都唔香口。層皮味道就咸咸地，無乜特別，但特別在啲肉係完全無醃過咁款，味唔係無，但只係得陣雪味，個雞胸仲要嚡過ＫＦＣ，大佬呀你收成$11X一隻春雞你比啲HEART得唔得呀! 失敗中既失敗! 食左兩啖直頭叫埋單走人叫左以上既野加罐可樂同一枝細啤酒，兩個人埋單$44X，咁既價錢咁既質素去食ＫＦＣ無咁嬲。