翠園 (銅鑼灣廣場) (Closed)

訂咗個6人套餐,我地八個人,再散叫幾個小菜都夠食,今次係同朋友食生日飯嘅,一般般喇,但前菜嫌太細碟同上餐等咗好耐,催咗幾次先上到,好在成班人傾吓偈,吾會等到忟晒。 生煎飽ok 肥义燒吾止細碟,仲要加花生墊底,每人分吾到2塊 瑤柱瓜脯幾好味炸蟹盒好乾懷舊牛柳似用低質牛扒勁落鬆肉粉腌成咁"林"嘅口感,搞到似免治肉 主角冬瓜盅,一般喇,好似泉章居嗰個好味啲。雲耳勝瓜炒魚鬆,個人口味覺啲魚鬆好腥,勝瓜又有好大陣青味同埋好油金衣花姿球,就係炸墨丸囉個龍蝦伊面有啲甜,怪怪地,朋友食到椰奶味,無乜肉,得個殼 瑤柱杞子泡菜苗,呢個好有驚喜,因為一上菜就聞到勁青味,但食落清甜架!鮑螺腐卷伴翡翠,朋友話腐卷好難食,我就無試到,淨係食底嗰啲生菜 蒸花尾躉,少少鞋咗,接受到條芒果布甸得個樣,無味嘅總結係~~~好矛盾。。。。。又未至於好難食嘅,不過可能去街市大排檔會好味啲,起碼夠鑊氣先喇。 因為今次我負責揾地方嘅, 朋友無投訴就算喇。