京滬村 (Closed)

臨近父親節打算試下呢間好評如潮既餐廳，點知食完決定冇下次！完全不愉快經歷。首先間野人手嚴重不足，落單上菜慢，漏單錯單不斷發生！有一枱不斷被侍應上醉雞，上左三四次，人地都講左已經上左，仲不斷上，證明落單個位好有問題！另外侍應衛生程度一般，如食片皮鴨時有人即場切俾你，但係個女人d頭髮冇紮冇戴頭套，隨時飛晒落黎食埋都唔知！廁所就唔好講喇，咁既環境都唔要求得多，簡直就肥d都入唔到廁格。仲有，佢地有個推介甜品拔絲地瓜，等左幾個世紀先上到，個貌似經理既男人仲話係咁耐嫁喇，而家「拔」緊，仲話至少拔三十分鐘以上！ok,你要拔咁耐就應該人地落單個陣講啦，而家問你個陣仲咁串！仲有仲有，片皮鴨二食個陣隻鴨縮水一半，不過出得黎食野，肯定抽下你水，唔係點搵你笨。總括黎講，間野食物一般般，服務非常差。冇下次！真實經歷，信不信由你。人要經歷過先會變得聰明。