六味屋

Open Now

Now Closed

睇到IG嘅廣告介紹太古城呢間「六味屋」拉麵好食，有六種味道，平日晚上5:30去食，冇人，可能未放工啲人或者未返屋企，坐Bar檯，對住個open kitchen，冇隔住玻璃，抽油煙系統我覺得唔及中環啲舖頭，食完覺得都有少少味。見個餐牌，覺得其實都係gimmick，係甜（味噌）、酸（檸檬鯛魚）、苦（苦瓜）、辣（青唐辛子）、鹹（醬油）、鮮（白醬油昆布）。我哋試咗檸檬及苦瓜。檸檬鯛魚清湯拉麵，$118-，唔太差，唔係好好食又唔係好難食。個湯okay熱，但好在有檸檬及蜆，都唔係太滯。三河八丁味噌拉麵，$98-，有苦瓜，個湯其實唔苦，但朋友其實就想食到苦味，所以都係得個講字，其實係一碗味噌拉麵。湯底較油，唔太好飲，期望過高，並非想像中咁高質。叫咗兩隻糖心蛋，正常味道。芝士年糕加咗蜜糖，超漏。唔洗加都okay或可問吓個客要唔要蜜糖。