我叫左碗蕃茄湯雞絲拉麵，落order到有拉麵大概要5分鐘，份量都叫大大碗，一個人食足夠有餘。蕃茄湯底尚算濃郁，但拉麵應該煮得太耐，比較無咬口。另外雞絲份量只有好少，大概有6 7條，個人認為唔太足夠。半熟蛋味道還好，唯一美中不足係雞絲份量可以有多少少。
因為自己好中意食泡菜，所以加錢叫左碟泡菜。將拉麵夾泡菜一齊食，好好味！唯一係份量方面都係比較少，價錢同份量有少少唔成正比。
店員另外提供左一小舊檸檬，相信係比客人加入蕃茄湯去提升湯底嘅味道。但我比較怕食太酸嘅食物，所以無加到。大家有興趣都可以試一試呢個組合！
