行完沙灘，要搵間有拉麵又要有烏冬既店，
最後選左呢間紅葉茶屋。
裏面木質桌椅，裝修好日系
BB櫈有軟墊，貼心，有驚喜。
不過店員服務就差D,
個別店員幫另一客人泊BB車，
撞到我，望左我一眼，但唔道歉。
當佢再開口，係冷淡放低QRcode紙，
叫我哋自己scan同order，
唔道歉，一句唔好意思都無。
公道講，食物算快到。
燒花魚一夜干定食
花魚魚質有點偏老，
應該燒耐左，
味道正常，不過不失。
提一提大家，定食可以添飯。
特盛黑麻油濃厚豚骨湯拉麵
唔個拉麵麵質彈牙，
但湯底唔夠香濃，
黑麻油味唔特出，
豚骨湯都唔特別濃，
叉燒夠大塊，溏心蛋好味。
牛肉壽喜醬汁烏冬
呢個烏冬對比下最驚喜，
牛肉壽喜燒醬汁好濃味，
但唔係咸，肉質嫩，
菜同菇都好鮮甜，
烏冬煙韌，不錯！
