新潮樓 (Closed)

見到清一色好評，諗住帶屋企人試吓，點知有點失望。叫咗菠蘿咕嚕肉，豉油王煎大蝦，啫啫蝦乾蝦醬炒通菜，爆汁炆花生鳳爪，魚肚豆腐羹，同福果芋泥。菠蘿咕嚕肉$108正常發揮，唔係好夠鑊氣。豉油王煎大蝦$168得六隻，而且蝦肉有少少霉，不過煎得幾香。啫啫蝦乾蝦醬炒通菜$108其他地方一上碟會咋咋聲，呢碟只係正常炒出嚟，唔夠熱。鮑汁炆花生鳳爪$68呢碟算抵食啲，炆得幾腍。魚肚豆腐羹$128魚肚同豆腐都細粒，正常味道。福果芋泥$96第一次食，食完好漏。總括嚟講份量偏細，不夠穫氣，性價比不高，唯一好處係環境比較靜局，服務也殷勤，但人均$200有好多更加好食嘅選擇。