岩手膳館 (Closed)

是日放工一個人開餐，打算係旺角食完行路打道回府，都不過20分鐘。呢條街附近食肆平時都有經過同幫襯過，不過唯獨呢間拉麵小店就未食過，因為店面望落好窄，同開家姐、姐夫開飯就會揾有四人位既坐，同擺手袋。今晚一枝公，可以獨自去偷歡，自己嘆世界揀野食，就入左去。繁忙時間，落單只點一次，不追加單。店面小，枱亦窄，屬食完快閃黨一族之選。點左個海鮮拉麵，仲要左個蟹鉗。個醬油湯底都夠味，不偏咸，不過似溝粉開既湯底，海鮮當然不會期望是新鮮的，是雪藏，但好彩蝦同忛立貝無發哂水漲到無啖，雪藏海鮮來說都叫ok。拉麵無煮到淋漲晒，都剛剛好，咀嚼有un度。呢個拉麵實有唔算得上好味既程度，但又未至於難食，取之中庸，屬一般般。但拉麵麵質、湯底咸度、配料多寡調控無得客人畫紙自主，比較失色。蟹鉗比較令人失望，很淡，蟹肉無鮮味的，亦無蟹汁。整體以此收費來說，收日式拉麵價格，但食物水準味道未達標準，有欠理想，不算好味，但又未至於差到劣評，就是很不過不失既程度介乎試過就足夠中間點。