價錢上：
其實飯同埋牛排係足料，但湯同沙律就唔係好夠，只有1/3至半杯左右。
食物質素上：
1. 牛排：食落比較‘’鞋‘’外，大至上都較冧身。
2. 飯：有牛肉汁撈埋一齊，味道配合得唔錯，唔係太鹹，但可能外賣既關係，啲飯唔係即時食，以至飯較冧身。
3. 湯：有少少醎咗啲啲，但有驚喜，因為食到最尾，見到一粒原隻蜆肉。
4. 沙律：只係生菜加咗啲芝麻醬，但芝麻醬同埋生菜既比例唔係好夾，沙律擀交多，同時撈得唔係咁好，所以面就較淡味，食到差唔多到㡳時較醎。
服務上：
第一次幫親，服務既員工都唔錯... 我問職員等幾耐，都願意答。另外，等外期間，我去咗買其他野後，再返去取外賣時，職員都主動對我講‘’等多一陣，依家整緊‘’。
