Video
Read full review
2021-02-09
53 views
因太愛食辣，在云云多間新開的餐廳揀咗祥仔辣辣，點知一肚氣出返嚟！平日嘅2點半左右嚟到，入座前已問是否仍有午餐，獲告知係。坐底，叫咗Lunch Set，有酸菜魚米線，四小碟前菜，同豆漿。前菜同豆漿好快就到。老實講，前菜凍冰冰，好一般，一心諗住酸菜魚係招牌，應該會好食吧。我維持咗呢個狀態30分鐘，碗米線仲未出現。咁我問吓啦，阿姐望一望我張單，咦，酸菜魚賣晒喎，你要唔要轉其他？我已經著咗火，賣晒你唔早啲同我講？！我問到你你先講？佢叫我轉牛肉，但我唔想食咁多牛，阿姐話，咁無其他選擇喎，幫你入廚房問吓。出返嚟，佢話，有魚喇，啲魚到咗，等多幾分鐘。咁我都等咗半個鐘，等多幾分鐘就無所謂啦。點知，又係另一個半個鐘。我再問其實係咪無酸菜魚呀？如果無，不如你幫我取消，收返我啲前菜，豆漿錢算，我唔想等。今次樓面叔叔就好緊張，又幫我入廚房問，然後話，係呀，短時間都無，你不如轉食牛🤯。點解要焗我食牛！我係肚餓嘅，但我真係完全無晒心情食！堅持埋單。然後，樓面好緊張咁問經理(?)咁點收錢，又比我聽到經理話無得咁收，一係就收佢正價，一係叫佢轉嘢食！我嬲到同侍應講話，咁你照收我成個餐嘅錢啦！🤯我唔明白點解可以完全無從顧
平日嘅2點半左右嚟到，入座前已問是否仍有午餐，獲告知係。
坐底，叫咗Lunch Set，有酸菜魚米線，四小碟前菜，同豆漿。
前菜同豆漿好快就到。
老實講，前菜凍冰冰，好一般，一心諗住酸菜魚係招牌，應該會好食吧。
我維持咗呢個狀態30分鐘，碗米線仲未出現。咁我問吓啦，阿姐望一望我張單，咦，酸菜魚賣晒喎，你要唔要轉其他？
我已經著咗火，賣晒你唔早啲同我講？！我問到你你先講？
佢叫我轉牛肉，但我唔想食咁多牛，阿姐話，咁無其他選擇喎，幫你入廚房問吓。
出返嚟，佢話，有魚喇，啲魚到咗，等多幾分鐘。咁我都等咗半個鐘，等多幾分鐘就無所謂啦。
點知，又係另一個半個鐘。
我再問其實係咪無酸菜魚呀？如果無，不如你幫我取消，收返我啲前菜，豆漿錢算，我唔想等。
今次樓面叔叔就好緊張，又幫我入廚房問，然後話，係呀，短時間都無，你不如轉食牛🤯。
點解要焗我食牛！我係肚餓嘅，但我真係完全無晒心情食！堅持埋單。
然後，樓面好緊張咁問經理(?)咁點收錢，又比我聽到經理話無得咁收，一係就收佢正價，一係叫佢轉嘢食！
我嬲到同侍應講話，咁你照收我成個餐嘅錢啦！🤯
我唔明白點解可以完全無從顧客嘅角度諗！浪費咗我一個鐘，我係餓住等，然後食唔到我想食嘅嘢。
最後收錢叔叔好唔好意思，無收我成個餐錢，收咗我$50 (FYI: 個餐係$88+$5豆漿)。
其實成間舖得收錢叔叔有少許歉意。仲比我聽到經理追究邊位樓面落單🤯
（我心諗，你係咪應該諗吓點樣令我順氣啲咁走，解決件事先呢？係我面前追究自己同事做乜啫？) *阿經理全程無同我講過嘢嘅
我自問其實都算好好脾氣，但成個過程真係好谷氣，入咗餐廳一個鐘，然後餓住出返嚟，好後悔無揀到樓上譚仔揀咗佢。
以後都唔會嚟食。
Post
