Video
Read full review
2015-09-21
771 views
買完嘢又熱又餓, 隨便搵間茶餐廳食個TEA , 點知食到一肚氣, 絕對無下次! 話說因太熱太口渴, 坐低先叫侍應比3杯水, 之後睇吓叫咩食, 落單時見水未到又再提侍應 , 跟住我地叫咗3個下午茶餐, 分別係雞脾沙律$30, 蝦多士$33同焗豬扒飯$37, 最早到係雞脾沙律, 份量同味道尚算正常, 跟住上焗豬扒飯, 出事啦! 咸到呀媽叫High High , 但之前叫嗰3杯水依然無影 , 到上蝦多士, 再一次叫侍應拎水, 又係應咗就算, 再望吓件多士, 細件兼餡少都算啦, 竟然一放入口就發現D蝦膠唔新鮮有D臭 , 塊多士重嗦滿晒油 , 擺明無回鑊炸迫返D油出黎, 根本食唔到, 即是$33個餐淨係得杯餐茶飲得 ! 都算, 當我唔好彩! 到大家D嘢都食完, 3杯水都無黎過, 呀媽等水食藥, 眼見其他枱D客坐低就有水, 淨係我呢枱叫極都無 , 於是叫侍應過黎再追, 佢又話等等, 我即刻同佢講已經叫咗好多次都未到叫佢立刻做, 點知佢走開之後, 多次進進出出水吧, 送茶、送餐連枱都執埋, 根本無打算拎水比我地, 今次真係佛都有火 , 客人多一時忘記我理解, 人手不足索性講明無
話說因太熱太口渴, 坐低先叫侍應比3杯水, 之後睇吓叫咩食, 落單時見水未到又再提侍應 , 跟住我地叫咗3個下午茶餐, 分別係雞脾沙律$30, 蝦多士$33同焗豬扒飯$37, 最早到係雞脾沙律, 份量同味道尚算正常, 跟住上焗豬扒飯, 出事啦! 咸到呀媽叫High High , 但之前叫嗰3杯水依然無影 , 到上蝦多士, 再一次叫侍應拎水, 又係應咗就算, 再望吓件多士, 細件兼餡少都算啦, 竟然一放入口就發現D蝦膠唔新鮮有D臭 , 塊多士重嗦滿晒油 , 擺明無回鑊炸迫返D油出黎, 根本食唔到, 即是$33個餐淨係得杯餐茶飲得 ! 都算, 當我唔好彩! 到大家D嘢都食完, 3杯水都無黎過, 呀媽等水食藥, 眼見其他枱D客坐低就有水, 淨係我呢枱叫極都無 , 於是叫侍應過黎再追, 佢又話等等, 我即刻同佢講已經叫咗好多次都未到叫佢立刻做, 點知佢走開之後, 多次進進出出水吧, 送茶、送餐連枱都執埋, 根本無打算拎水比我地, 今次真係佛都有火 , 客人多一時忘記我理解, 人手不足索性講明無水飲我也不介意, 但當時舖內客唔算多, 不存在上述情況, 好明顯幾個侍應都係擺明唔做, 當D客發噏風, 我對此極之反感, 食物質素已夠差 , 加上一班倒米嘅侍應 , 老板真有福! 奉勸大家, 切勿光顧, 否則中伏自負 !
Post