釣魚翁 燒鵝．海鮮飯店 (Closed)

Book6點檯，一家人做冬，7點都未上菜，中途催左4，5次。最後一次叫經理，答案係：「冇預過今日有咁多圍乳豬，燒唔切。」同埋「啲菜要順序上先得，所以其他hold住」燒鵝專門店！？應付唔到燒味需求？順序上菜？我有乳豬之後係海皇羹同飯麵喎！最離譜係，經理玩野，之後一次過堆哂所有菜出黎，話之你檯有冇位。再嘈，就又拖你大半個鐘等菜。想食完唔會肥，背脊骨落，即管試下呢間。（投訴期間，同場加映附近啲檯都有人唔耐煩問：咁係咪要嘈先有野食？唔嘈就得半席上海皇羹？咁另外半檯人食風？）仲有，我睇唔出佢有幾燒鵝海鮮專門店，乳豬同鵝都係得肥膏，冇肉食，老身。龍躉兩食冇火喉。做冬要人食到一肚氣，正所謂「冬大過年」，真係多得佢囉。