新記車仔麵 (Closed)

本人從未試過寫食評，就算遇到不好食的餐廳只會選擇下次不光顧就算。今次直情要一路食一路寫去抒發我既不滿。一坐低點左幼面，鹵水蛋，豬大腸，咖哩魚蛋，墨魚卷，豬頸肉，炸魚皮。本人都鍾意食辣，當然點左招牌辣汁。碗面一黎到發現炸魚皮已經係湯入面，鐘意食炸魚皮既你地明白淋哂既魚皮會係幾難食，馬上要求拎個碗仔盡快夾起啦，呀姐問我要碗仔做咩？我話魚皮淋哂我想分開佢，佢竟然話唔得，仲放隻匙更係枱面叫我放上去😡當堂o哂，咁細隻匙更點放呢？跟住佢行左去！我忍唔住即刻叫佢返黎問清楚點先可以要隻碗呢？要比錢？咁幾錢呢？佢即刻啞左，我話總之要個碟又好碗又好，我只想分開湯同魚皮啫。呀姐話咁你要叫過一碟喇！好，唔緊要，我明白公司有公司規定，$20我比！！一食，我只想比18個字既粗口，講好的香辣呢？點解只有辣一點點既香都無？講老實隻蛋，豬大腸係唔錯既，其他就。。。面底係無皂水味，但唔彈牙，無面香。魚蛋係有咖哩味，不過淋芝芝。豬頸肉係入味，不過細細條細細條好似食肉絲咁。墨魚卷，留意係卷！係碗入面有既係一片片薄片，留意係「薄」片，所以食唔出咩味。魚皮都夠「翠」不過亦都好碎。隻蛋都好入味，味道一留，亦唔太硬👍🏼豬大腸亦都好入