西苑酒家

Open Now

Now Closed

公司搬咗去銅鑼灣，第一日返新 office，成 team 同事就落樓下嘅「西苑酒家」飲茶慶祝。餐廳位置隱密，外人未必容易發現，但中午依然全場爆滿，人氣可見一斑。我哋點咗蝦餃、燒賣、燒腩仔等經典點心，質素唔錯，蝦餃皮薄餡靚，燒腩仔皮脆肉香。不過最好食係糯米飯，香口鬆化，餡料足夠，唔會太濕亦唔乾，食完有驚喜。餐廳裝修高雅，座位舒適，服務到位，感覺係一級食府。每位平均消費約$250，對比以前喺牛頭角飲茶一百蚊左右，確實貴咗唔少。不過環境、食物、服務都有水準，偶爾食一餐都值得。