Video
Read full review
2008-12-10
受到一眾甜魔的推崇備至, 當中甚至乎有數隻甜魔幾乎每日都去幫襯, “甜品工房” 這個名字就像洗腦般深深刻晌我腦中, 令我每次到訪紅墈區都會不期然想起呢度, 每次食完正餐諗下場去邊, 亦會第一時間諗到“甜品工房”.... 經過幾次擦身而過同摸門釘既”黑仔”經歷之後, 今晚終於有幸一嚐眾甜魔心目中既”名店” 喇~ 是晚天氣頗冷, 只有攝氏十五度左右, 一入到去, 雖則第一時間諗起名物 “宇治金時” 同 “紫葡之戀”, 奈何“天氣的錯”, 身邊好多朋友都因為天氣轉而病倒, 無理由晌呢個非常時期仲咁放肆, 於是就選擇左以下甜品:燕麥杏仁露 ($16) - 杏仁露對我來講一向都係“穩陣之選”, 照計唔會衰得去邊, 而事實上﹐ 上檯時既賣相同味道的確唔差, 杏仁露質感不俗, 唔會太稀, 加上燕麥蓉, 食落去多添一份層次感, 絕對係一個上佳既配搭.... 點知, 食落去就出事喇..... 食到一半左右, 突然間發覺點解會有一舊舊類似湯丸既物體出現呢? 明明冇叫到加湯丸架.... 再細心研究, 原來係煲糖水擺得太耐而 “鯨” 左晌面既物體, 但係每一舊都真係好大舊下 (見圖), 相信呢煲糖水真係
經過幾次擦身而過同摸門釘既”黑仔”經歷之後, 今晚終於有幸一嚐眾甜魔心目中既”名店” 喇~
是晚天氣頗冷, 只有攝氏十五度左右, 一入到去, 雖則第一時間諗起名物 “宇治金時” 同 “紫葡之戀”, 奈何“天氣的錯”, 身邊好多朋友都因為天氣轉而病倒, 無理由晌呢個非常時期仲咁放肆, 於是就選擇左以下甜品:
燕麥杏仁露 ($16) - 杏仁露對我來講一向都係“穩陣之選”, 照計唔會衰得去邊, 而事實上﹐ 上檯時既賣相同味道的確唔差, 杏仁露質感不俗, 唔會太稀, 加上燕麥蓉, 食落去多添一份層次感, 絕對係一個上佳既配搭.... 點知, 食落去就出事喇..... 食到一半左右, 突然間發覺點解會有一舊舊類似湯丸既物體出現呢? 明明冇叫到加湯丸架.... 再細心研究, 原來係煲糖水擺得太耐而 “鯨” 左晌面既物體, 但係每一舊都真係好大舊下 (見圖), 相信呢煲糖水真係擺左好耐下, 唔係冇理由 “鯨” 左果 D 野會咁厚咁大舊.... 發現左呢 D “不明物體”之後, 我即時放棄呢碗糖水 (但係其實我已經飲左一半...... )
日式和菓子 ($12 / 4 粒) - 其實即係茶凍, 見佢有八款茶可以揀, 當中更有比較特別既味道, 例如日式煎茶, 洛神花茶, 伯爵奶茶等, 但係當我晌 order 時講出我既選擇既時候, 店員竟然同我講, 話原來冇得揀, 有乜就來乜, 即時令我諗起澳門 ”禮記” 既雪糕三文治, 不過來到既款式又咁岩有我既首選 “伯爵奶茶” 味, 點知……又再出事了!!! 一食落去, 竟然係酸架!!!!!! 好明顯又係整左太耐變壞左都唔知.... 越食越唔對路, 於是就同店員講, 佢地都難以置信, 但佢地既回應仲奇怪, 佢地竟然話 “我整過比你丫” 我想截佢都截唔切, 心諗... 果凍又點可能即時整到出來? 咪又係晌雪櫃拎另一件出來...... 後尾, 佢地又真係拎左另一碟出來, 顏色上好明顯係有好大既分別, 變壞左果件係白色既, 而新呢一件係茶啡色既.... 當大家都好猶豫唔多敢試既時候, 晌 “問責制” 既情況下, 我唯有硬著頭皮再試一次, 估唔到今次又真係 OK 渦.... 果凍散出應有既茶味, 最後我都有食左幾啖.... 至於其他味道, 包括玫瑰花茶等則無大驚喜....
蕃薯糖水 –今期 “焦點食家” M既選擇, 我都以為又係另一 “穩陣之作”, 點知佢食晒 D蕃薯, 剩返成碗糖水晌度, 並講出 “好難飲” 三個字, 話碗糖水太甜.... 相信連甜魔都話太甜既話, 都估到難飲既程度有幾多....
至於其他甜品, 相信之前出過食評既朋友都有提過了......
經過今次既經歷之後, 唯一既結論係, “甜品工房” 晌食物既品質控制方面做得非常之差, 邊有可能將 D擺放時間過長同變壞左既食物提供俾顧客既呢? 雖則不想浪費同減低成本絕對可以理解, 但甜品店既毛利相比起其他餐廳食店黎講已經係多, 難道仲要計較呢度既少少, 而令顧客首當其衝嗎?
對不起, 甜品工房, 你這次真的因小失大了~
對不起, 其他甜魔們, 不能參與你們這裡的 “飯堂”局了.......
Post
