Video
Read full review
2009-07-13
244 views
去同人應酬應酬，倒不如同好朋友去打打邊爐，又食得飽，又可以食耐啲傾傾計。因為當日先決定去的關係，連去邊度都唔知，只係跟住兩個地胆由深水埗地鐵一直行，行左成十五分鐘先去到。一個大好星期五既八點，酒樓水靜河飛，只係得十張枱左右。坐底揀左個湯底（要了皮蛋莞茜）之後，就即刻出去混醬。麻醬、沙爹醬、蒜蓉、辣椒醬等每次一定要既野都有齊，另外仲有腐乳、蔥花、生蒜、豆辦醬等等。混到杰撻撻之後，心滿意足便返埋位等食。來得食火鍋，個肚有一半既位都係用來食肥牛，於是一來就叫三碟先..點知佢淨係畀左一碟我地，所以之後又要encore多兩碟...。肥牛不錯，好大片，唔會淥完縮到呀媽都唔認得。肥瘦立適中，算係咁。但係encore個兩碟就未解凍晒，所以夾到啲牛肉有啲爛開左。丸類就有啲強差人意了。選擇唔算多，不過都有晒最大路個幾種。墨魚丸好林，但好彩有啲墨魚粒係入面，味道一般。貢丸又係唔夠爽口，冇咩香菇味，友人話味道好怪，我就覺得正正常常咁啦。豬肉丸大大粒，但味道一般。最好的係個牛筋丸，雖然都唔係爽，但味道叫做好啲。魚皮餃只係食左一粒，印象不深。豆卜唔算特別好，但我成日都覺得豆卜索晒啲醬汁，唔可以差得去邊。炸魚皮都幾
坐底揀左個湯底（要了皮蛋莞茜）之後，就即刻出去混醬。麻醬、沙爹醬、蒜蓉、辣椒醬等每次一定要既野都有齊，另外仲有腐乳、蔥花、生蒜、豆辦醬等等。混到杰撻撻之後，心滿意足便返埋位等食。
來得食火鍋，個肚有一半既位都係用來食肥牛，於是一來就叫三碟先..點知佢淨係畀左一碟我地，所以之後又要encore多兩碟...。肥牛不錯，好大片，唔會淥完縮到呀媽都唔認得。肥瘦立適中，算係咁。但係encore個兩碟就未解凍晒，所以夾到啲牛肉有啲爛開左。
丸類就有啲強差人意了。選擇唔算多，不過都有晒最大路個幾種。墨魚丸好林，但好彩有啲墨魚粒係入面，味道一般。貢丸又係唔夠爽口，冇咩香菇味，友人話味道好怪，我就覺得正正常常咁啦。豬肉丸大大粒，但味道一般。最好的係個牛筋丸，雖然都唔係爽，但味道叫做好啲。
魚皮餃只係食左一粒，印象不深。豆卜唔算特別好，但我成日都覺得豆卜索晒啲醬汁，唔可以差得去邊。炸魚皮都幾好，不太油，但好快就會林晒，擺十秒已經林到一pat好核突...想佢索下啲湯都唔得。腐竹就不錯幾滑的，雞肉就完全冇味道。
菜類叫了生菜同白菜，都幾新鮮的。每次都要最後食的烏冬就係劣質貨，有啲鞋口又林之外，個包裝仲要好難開-_-。仲叫左個出前一丁，味道如何我諗唔需多講。
漏單的情況其實都有的...叫了幾樣野都漏左（例如本來想叫幾隻雞蛋去混醬的，但就一直都冇來過），一係就好似啲肥牛咁畀少啲我地。不過真係好抵食呢，埋單真係每人$95，冇任何其他收費。不但只任食，仲包晒醬介，野飲都係任飲（有啤油、汽水、橙汁、酸梅湯等），仲要有湯水飲（不過友人話味道有啲怪）。好多地方都話任食火鍋幾多錢幾多錢，但最後有幾十樣唔同附加費，依度就冇，幾老實的。五個人，食了三個鐘，好飽好飽，好抵食。
Post