Hungry Baby (Closed)

放工去一田買餸，沙律吧旁邊見到開咗間新的炸雞小店，香噴噴嘅味道，吸引咗我睇Menu。先落order然後逛一陣超市就有炸雞食啦！可以堂食可以外賣，堂食food court會有位置坐的。香濃芝士炸雞。六件 $68香濃芝士香味好突出，灑滿芝士粉，味道更加濃郁，帶一點甜。炸雞即叫即炸，出品非常熱辣辣！小心啲咬落去好熱，皮脆雞肉鮮嫩，多肉汁豐富，整體味道唔錯。加$18，迷你韓式牛肉飯迷你真係細細碗，份量啱啱好，韓式醬汁都幾辣，牛肉的份量都唔少，飯粒飽滿。甜辣醬炸雞 $68朋友鍾意食刺激啲，甜辣醬炸雞絕對冇令佢失望，佢話都辣得幾過癮，甜甜地辣辣地，配搭炸雞，味道比較平衡，值得一試。迷你韓式炒年糕 $18追加諗緊想食薯蓉？定係粟米呀？最後都係揀最經典的炒年糕，煙靭有咬口，食到好滿足。迷你泡菜炒豚肉 $26細細碗充滿泡菜，感受到韓式氣氛，薄切的炒豚肉，又唔會太油膩，帶有甜辣既調味，唔會炒得太乾，肉質好軟滑。最後飲返罐冰凍嘅可口可樂，爽呀！